Jowai: Yow pynkhlan ya i rukom krehkaam ka seiñ, neiliang ka HANM-East Jaiñtia Hills District da yoh ko wow pynkha ya kawi ka tnat krehkaam yong ka hapoh ka East Jaiñtia Hills District kawa tip pyrtuid kam ka HANM- Khliehriat Circle.
Ha ka yalang pynbaam smai ya ki dkhot wa thymme ka Khliehriat Circle wa pynman ha Little Flower Secondary School Khliehriat da pyllai da u Monarch S Dkhar, President HANM Ladrymbai Unit heiwa da yoh ya ki ktien maitphang na u General Secretary ka HANM-Central Body u Damonmi Dkhar uwa pynsñiaw yei sñiawkmen wa khroo wa katwa dang mih ki sngi dang boon ki chipai wa mih cha khmat wow yieñ wow yaleh neibynta ka ri wa ka jaitbru wei pyn ehbok pyn ehnasib u ya ki dkhot thymme.
Ha kani ka sngi da yoh leh yei klam na u Damanleki Lathong President Ka HYC – Jaiñtia Hills wa u M. Lamin Organising Secy. ka HANM.
Ya ki dkhot wa kiwa yahkhmat ka HANM- Khliehriat Circle da pynskem da u Ency Shadap, President HANM-East Jaiñtia Hills District uwa da kyntu ya ki wow bood ki ya ka luti wa yah u Woh Kiang Nangbah, u Tirot Sing Syiem wei wow kreh ki khlem ran dien wei khlem pait chillaing ya kiwon kiwon.
Ki dkhot thymme kiwa da pynskem ynne ka sngi kynthup ki ya u Shnalad Rymbai-President, Salman Langstang-Vice President, Paulus Lyngdoh-General Secretary, Assistance Secretary-Tellme Paslein, Kampher Salahe-Finance secretary, Poibiang Lyngdoh-Organising Secretary, Alexson Sangma-Publicity Secretary, Jngailang Salahe-Sport Secretary, Education Secretary-Kevin Rymbai wa 16 ngut ki Executive member.
Discussion about this post