Pynkha ka HYC ar tylli ki chnat ha Umsham

Jowai: Kiwa yahkhmat ka seiñ Hynniewtrep Youth Council ha ka 17 tarik uni u bnai da hiar ki cha ka chnong Umsham, War Mawkynrew yow pynkha ya ka chnat krehkaam wa thymme yong ka kawa tip kam ka HYC Umsham Unit.

Ha kani ka sngi da yoh wow pynskem wow pynbaam smai ya kiwa kitkam kani ka Unit da u General Secretary ka CEC u Roy Kupar Synrem ha ka yalang wa pynlai da u Robinson Nongrum, President ka HYC Mawryngkneng Circle wei da yoh ya ki ktien maitphang ya ki yurim ka seiñ na u Francis G Mawlong, Organising Secretary, HYC CEC ha i emlang u Isaac Basaiawmoit, Asst G.S. CEC, ki dkhot ka Mawryngkneng Circle, ki dkhot ka Wah Mawlein Unit wa kiwa chong chnong ka chnong Umsham.

Neiliang u Francis G Mawlong hawa e yei klam maitphang da khana u yaka yurim krehkaam wa i thmu wa kongsan dooh yong ka seiñ kawa man wow yada, wow pynneh pynsah, wow kyntu wei khamtam dooh wow yaleh khlem kynran dien neibynta wa kyrpang yong ka jaitbru nalor kiwi kiwi ki thmu.

Ha i klam tbian hadien i pynskem wei pynsmai ya kiwa kitkaam yong kani ka Unit ha kani ka chnong, na i liang u General Secretary ka seiñbei da ban joor u ya i emkaam yong ka jaitbru wow man kiwa yatylli ka wi neibynta wow yeiñ yaleh ya i eh kiwa kam ka jaitbru wa yahcem i ha kini ki sngi. Ym phær lada em i heiwon heiwon, wei emkaam wow mih madan ya ka jaitbru lada i kaam wa i por dawa i. Wei na ini i daw ka seiñ hi da lai ko kylleiñ ka bri u Ynñiawtrep wow pynmih ya ki chipai ka yong ka jaitbru wei lada i por dawa ko u ya mih yaleh ya kiwon kiwon ki bor wa thmu yooh beiñ wei wow pyndooh ya i kam ka jaitbru wa kyrpang. Da pynsñiaw u leh yei kmen wow sakhi wa ha kani ka chnong da em leh ki manbei kiwa da pynyabi lang waka seiñ heiwa da yoh leh wow chna leh yaka HYC Umsham Women’s Wing.

Related posts

Khlaad noh ka Kong Nitaboris Biam

November 9, 2024

Sñiawkhia u Andrew Shullai ya i tlot i rukom pynmih poisa ka JHADC

November 7, 2024

Kiwa kitkaam yong ka HYC Umsham Unit: President-Elishon Nongrum, Vice President-Khet Surong, General Secretary-Syet Surong, Asst. GS-Thori Longshiang, Organising Secretary- Paro Surong, Asst. Organising Secretary-Slik Surong wa 17 ngut ki Executive members.

Kiwa kitkaam ka HYC Umsham Unit Women’s Wing- Chairman- Ka Sidora Surong, Secretary ka Bidramon Nongrum deilang wa 9 ngut ki dkhot.

Ini toh katkam ka kyrwoh na u Francis G. Mawlong, Organising Secretary HYC, CEC.