Jowai: Ka Jaiñtia Students’ Union (JSU) Seiñbei kam chibynta wow pynkhlan wei wow pynyaar chooh chooh yei chakri neibynta i bha i miat yong ka imlang sahlang, ynnin ka 26 tarik da pynkha ko sa kawi ka tnat krehkaam hapoh ka sor Jowai ya kawa da tip kam ka JSU Jowai Circle.
Ya kani ka yalang wow pynskem pura ya kani ka Circle kawa da man hapoh ka Confence Room ka JSU ha Laad Stadium Ladthadlaboh, Jowai.
Ya kani ka yalang da pyllai da u Organising Secretary ka JSU Seiñbei u Layerson War hei emlang ki kattu katni kiwa ebuit (Adviser) wa kiwa yahkhmat ka JSU Seiñbei.
Hachwa wow pynskem yaki wa kitkaam wa pura ka JSU Jowai Circle da yoh ya ki kyntien sneiñ kyntien kroo na u Heibor Pariat kam uwi naki Adviser ka seiñ, u H. Lanong u Executive Member wa na u President ka seiñ u Rikut. N Parien.
Da chim ya ki kyntien kular da u President ka seiñ u Rikut N. Parien.
Kiwa kitkaam kani ka Circle kynthup ki ya u President u Jersom Shylla, u Vice- President u Apphira Lamurong; u General Secretary u Confirm Pale; u Astt. Gen Secy u Jesril Shylla; u Finance Secretary u Tricky Mukhim; u Education Secretary u Redulen Chalam; u Publicity Secretary u Wansalan Patwet; u Organising Secretary u Janailang Marbaniang wa 23 ngut ki dkhot.
Kani toh katkam ka khubor na u Cultural Secretary ka JSU, u C. Passah.
Discussion about this post