Pynkha ka KSU sa ya ka KSU Kyrphei Unit

Shillong: Ka KSU ha ka 19 tarik uni u bnai da pynskem ko ya kawi ka Unit wa thymme kawa tip kam ka KSU Kyrphei Unit. Kani ka Unit u haap ko hapoh i pait yong ka KSU Tyrsad Circle.

Ya kani ka Unit wa dang pynkha thymme da wan sakhi hei emlang u Donald V. Thabah, General Secretary KSU Seiñbei, u Barikupar Nongsiej Assistant Organising Secretary KSU Seiñbei, U Pynshaborlang Rani u Assistant Education Secretary KSU Seiñbei uwa man heijooh i por u President ka Tyrsad Circle, u Rangbah Willphring Umdor uwa man kam u Secretary yong ka chnong Kyrphei, u Pynkmenlang Sanmiet General Secretary KSU NEHU wa kiwi kiwi.

Ya ka yalang da pyllai da u Badon Malniang uwa man leh u Sport Secretary KSU Mawlai Circle.

U Secretary ka chnong Kyrphei da pynchlur u ya ki dkhot ka KSU wym toh u tieñ wei wow yeiñ ki ha ka yurim wa skem yong ka seiñ hanlada em kiwa pyntieñ wei wow lai cha khmat dei mynsien wa chit.

Related posts

Khlaad noh ka Kong Nitaboris Biam

November 9, 2024

Sñiawkhia u Andrew Shullai ya i tlot i rukom pynmih poisa ka JHADC

November 7, 2024

U Barikupar Nongsiej da ong u wa i por khynroo toh i por wa biang dooh wow kreh neibynta i miat ka chnong ka thaw neibhah ki em ki i por wa laitlood kamtæ ym pynsepai ki yei por yong ki wow deiwa chakri wei wow kyntu ya ka jaitbru.

U Donald V. Thabah da ban joor u wa kam ki dkhot yong ka seiñ hawa chakri ki ya ka jaitbru em chiboon i eh i khoo wa daw haap mad ki wei toh u man ki kiwa da pynkhreh yow pyntikna wa ka jaitbru u im ko.

Da ong u leh wa ka jaitbru man ko kam i doh u bru wei lada em ki bynta wa kjut wa tlot daw ktah ko ya waroh kawi. Kamtæ ini i mih yong kine ki khynroo na ka Chnong Kyrphei wow yasoh wa ka seiñ daw pynkhlan chooh chooh ya ka seiñ waroh kawi wei daw e mynsien ko ya ka pateiñ wa daw wan.

Kiwa kitkaam yong ka KSU Kyrphei Unit toh u Posstar Rynjah uwa da chah jied kam u President, Vice President u Welcoplang Rynjah, General Secretary u Fleckstar Rynjah, Asst. Secretary u Pillasstar Nongbet, Organising Secretary u Kyrmenlang Nongbet, Education Secretary u Justerwell Rynjah, Publicity Secretary u Banshanborlang Nongbet. Natlor kini da booh leh sa khatwi ngut kiwi kiwa kitkaam yong ka seiñ.