Ka Khasi Students Union ynne ka sngi da pynkha thymme ko sa ya kawi ka chnat hapoh ka chnong Sohkymphor, East Jaiñtia Hills District ya ka wow tip kam ka KSU Sohkymphor Unit.
Ha kani ka sngi da em ka yalang wa pynlai da u Shaniah Shkem Dkhar, Asst. Finance Secy KSU JHDU katwa u Donald V Thabah, General Secretary ka KSU Seiñbei uwa da pynkhlai kular ya ki dkhot wa thymme.
Hawa e i klam, u Donald V Thabah da ong u wa ka KSU da suit da choor neibynta wow pait ya i eh i khoo ki khynnah puræ hapoh Ynñiawtrep tangwa hadien wa yoo yei chah thombor ka jaitbru ha kiwa boon ki liang kamtæ ka seiñ da haap yieñ ko wow pynneh pynsah ya ka jaitbru.
Da ong u wa katkam wa man katni ka jaitbru chah thombor ko ha kiwi tawon ki jaitbru lada ha thaaiñ Block 1, Langpih, Sabuda wa wot ha ki thaaiñ khappood Bangladesh.
Da kyntu leh ya ki dkhot wa thymme wow man kiwa da pynkhreh neibhah ymtip boi daw mih chiboon ki yaleh ha ki por wow wan.
Kiwi kiwa da klam toh u Cherity D Suja General Secretary KSU JHDU, u Rueben Najiar, Asst. Education Secretary KSU wa u A. Nongkynrih, Asst. General Secretary KSU.
Ki dkhot kiwa da pynskem ha kani ka sngi toh u Rimi Lyngdoh kam u President, Berley Suchiang kam u Vice President, Dolystar Lyngdoh kam u General Secretary, Ioh Lapasam kam u Asst. General Secretary, u Imidaoo Lyngdoh kam u Organising Secretary, u Karlin Lyngdoh kam u Publicity Secretary, u Kampher Lyngdoh Finance Secy. wa kamwa 20 ngut ki dkhot.
Discussion about this post