Ka Seiñ Kur Dkhar da yoh ko wow pynkha ya ka chnat krehkaam wa tip kam ka Madur Unit ynne ka 12 tarik ha ka chnong Madur hi.
I pynkha ya ki chnat krehkaam yong ka kur man ko kam chibynta wa ki para kur u ya tipmit ki uwi ya uwi yow lait nei chongkha sang wei kamjooh wow yajan ha waroh ki kaam lada toh hei lehkmen leh sñiawbha lane sñiawsih wei wow bah wow yarap kylliang hawa em ki kur wa duna hei yoh i kot.
Ha kani ka sngi ya ka yalang wa tbian da pynlai da u Emerich Dkhar wei da yoh i klam pdiang sñiawbha na u Phlin Dkhar. Da yoh yei sneiñ i yntu na u Jesse Dkhar uwa man leh u President yong ka Seiñ Kur Khliehtyrshi Circle uwa da sneiñ da kyntu ya ki para kur yong ka Madur Unit wow man kiwa tipbru tipblai wow man ki kiwa yatylli ha iwon iwon i eh i chitom.
Neiliang u Shaniahskhem Dkhar uwa man u Vice President yong ka Seiñ Kur Dkhar East Jaiñtia Hills, da ong wa lada em phi ha kawon kawon ka niam, i yatoh chi kur toh u neh kamjooh. Da ong chooh chooh u wa ymtoh wow leh Politics ha ka kur neibhah lada leh kamtæ daw mih boon i sñiaw yaphær wa i ya chrut hapoh ka kur.
Ya kiwa kitkaam ka Seiñ Kur Dkhar Unit da pynsmai da u Vice President yong ka Seiñ Kur Central u Harvis C. Dkhar.
Kiwa kitkaam ka Seiñ Kur Dkhar Madur Unit man ki kamni:
Phlin Dkhar- President
Boi Dkhar- Vice President
Mardeiwi Dkhar-General Secretary
Truki Dkhar- Asst. General Secretary
Klo Dkhar- Treasurer
Da jied leh wa ki khynde ngut ki dkhot:
Ka Nomi, u Trei Dkhar, ka Mery Dkhar, ka Dit Dkhar, ka So Dkhar, u Dawan Dkhar, u Suk Dkhar, u Bor Dkhar waka Phrom Dkhar.
