Kiwa yahkhmat ka Hynniewtrep Youths’ Council (HYC) CEC ryngkat wa kiwa kitkaam ka seiñ na Ri-loom Jaiñtia ha ka 13 tarik uni u bnai da pynskem ki ya ka chnat krehkaam wa tip kam ka HYC Elaka Shiliang Myntang Area Unit heiwa da em kamwa 60 ngut ki chynrang wa kynthai ka thaaiñ kiwa da psiah dkhot cha ka chnat.
Ya ka yalang da pynman ha u Lum Lapudia, Yurim Yung yong ka Syiem Latympang, ha ka chnong Thangrain, West Jaiñtia Hills District.
Ya ka yalang da pynlai da u Francis Gee Mawlong, Organising Secretary CEC, heiwa da yoh i klam lamphang na u President ka Jaiñtia Hills District u Mewathi Suchiang, i klam na u Preios Pale uwa man u President ka East Jaiñtia Hills Circle, wa na u Rockesstar Warjri, Asst. Organising Secretary ka CEC uwa man leh u In-charge ka Jaiñtia Hills District.
Ya i bynta wa kongsan chwa wow khlai kular ki dkhot thymme yong ka Unit da yahkhmat da u Roy Kupar Synrem, General Secretary CEC, uwa da e leh ya ki kyntien sneiñ kyntu.
Ha kani ka sngi da em leh u Issac Basaiawmoit, Asst. G.S. ka HYC CEC, u Arki Lamare, G.S. ka East Jaiñtia Hills Circle wa kiwi kiwi.
Kiwa kitkaam kani ka Unit wa thymme kynthup ki ya u Pynroi Shylla kam u President, u Thom Miki Dkhar kam u Vice President, u Eladmiki Lamare kam u Secretary, u Emiki Shaphrang Dkhar, Asst. Secretary wa kiwi kiwa kitkaam wa 42 ngut ki dkhot Executive Member.
