Kam chibynta wow yada lada khih biang u khmi, ka Meghalaya State Disaster Management Authority (MSDMA) ynne da pynman ko ya ka Mock Drill yow pynyoo kammon wow yada wei wow pylait im ya ki bru deiwa pyndur wa jia biang u khmi wa joor kamwa da jia ha u snem 1897 uwa khlanbor hadooh 7.1 ha ka Richter Scale.
Tangwa ini i pynkhih khmi ka Disaster Management Authority da pynsahkut kari i ha nongbah Shillong heiwa da ood ki paidbah neibhah wa i sahkut da man i palat ya iwa da jooh myllien ki bru.
Ini i pynkhih khmi da sdang i nadooh i por 9:00 waje i step wei da chimbynta da ki chipai, ki pulit, ki NDRF, kiwa kreh Hospital, ki skur, ki College, kiwa chong chnong wa ki Volunteer na ki seiñ waphær waphær.
Ka bynta yong u sarok ha thaaiñ Polo, Wahingdoh, Polo Supermarket (SMB), Hotel Polo Towers, SBI Building, Polo wa MeCEL, Lumjingshai, Samkhamti Petrol Pump ha Urkaliar, ka Female Health Worker Training School, School of Nursing ha TTC, Ganesh Das Govt. MCH, St. Xavier School ha Polo, Pynthorumkhrah, Golflink, Shillong Secondary School, Forest Colony waka Civil Hospital School of Nursing da chah ktah ki hei lai i wan ha kani ka pynyoo yei khih khmi.
Boon ki paidbah da thnum ki yeini i sahkut kari katwa ki bor District da kyntu ki ya ki paidbah wow ya krehlang wei ymtoh wow hær rngu wei ynnin leh da pyntip paidbah wow pyrkhat chwa ka luti ki myntu yow lait ki nei sahkut.
Discussion about this post