Jowai: Ka Central Executive Council (CEC) yong ka Khasi Students’ Union ha ka yalang wa da pynman haka 29 tarik Naiynru 2019 ha yung krehkaam ka seiñ, da rai wow pynpsiah dkhot chooh chooh cha ka CEC kam chibynta wow pynkhlan wow pynjanai ya i krehkaam ka seiñ wow chakri ya ka jaitbru.
Ha katai ka yalang, waroh ki dkhot ka CEC da mynjur ki wow pynpsiah dkhot noh cha ka CEC ya u Iashanborlang Mukhim uwa man kam uwa yahkhmat ka KSU Malki Circle, u Reuben Najiar uwa man uwa yahkhmat ka KSU Laban Cirlce wa ki dkhot warim ka KSU NEHU Unit, u James Hitler Mawphniang uwa man uwa yahkhmat ka KSU North Khasi Hills District Unit wei uwa jooh man leh u President warim ka KSU NEHU Unit wa u Pynkmenlang Sanmiet uwa man uwa yahkhmat ka KSU Shella Unit ha i jooh i por leh uwa man u President wa katni yong ka KSU NEHU Unit.
Kamtæ da pyntip wa neini cha khmat ya kitai ki soo ngut u tipmit noh ya ki kam ki dkhot wa yahkhmat wa pura yong ka KSU Central Executive Council.
Ini toh katkam wa pyntip u Donald V Thabah, General Secretary ka Khasi Students’ Union.
Discussion about this post