Jowai: Ka Khynroo Khyllood Committee (KKC) ka Dorbar Chnong Mukhla Nongrim West Jaintia Hills District ynne ka sngi da pynman ki ya ka pynkhooid chnong hapoh i yahkhmat u Refil Sari, Secretary wa u Firstly Sari, President KKC Mukhla deiwa emlang kiwa yahkhmat ka chnong nadooh u waheh chnong, Secretary, Chairman wa ki dkhot ka chnong ki khon khynroo khyllood kiwa da mih paidbah.
Da pynkhooid leh ya ki ar tylli ki um sait that ka Ummutong waka Wahlatien kiwa ki khon ka chnong pynemkaam ki wow sait that man ka sngi.
Ha kani ka sngi da yoh ya i sneiñ i kroo na ki waheh wa sian kamjooh na kiwa yahkhmat ka KKC wei kamjooh leh na ka MNWSC.
Ya ini i pynkhooid daw pteiñ chooh chooh ha ki tayaw wow wan hadooh wow poi ka sngi World Environment Day haka 6 tarik u bnai wow wan.
Neiliang ka KKC Mukhla Nongrim da e khublei ko ya waroh ki khon khynroo khyllood, ki waheh wa ki manbei ka chnong kiwa da mih paidbah wow pynkhooid ya kini ki um sait that.
Discussion about this post