Neibynta i khooid i suba, da e sñiawbha da ki Dustbin wa 117 tylli da ki khynnah ka Shlem Hikai Tynre ka Seiñ Raij chnong Cham Cham cha ka dorbar chnong Cham Cham.
Hachwa wow lai kdoh lai wah ya kini ki Dustbin, da em ka yalang wa tbian ynnin i step ka 13 tarik heipor 8 waje i step wa pynlai da u Dayomi Dkhar u President ka SHT uwa da e leh ya ki kyntien pdiang burom ya waroh kiwa ya emlang ha kani ka yalang, da yoh leh ya ki kyntien wai phang na u Wansalan Dkhar u Secretary ka SHT uwa da pynsñiaw ya ki thong yong ki kam ki khynnah ka Shlem Hikai Tynre Seiñ Raij Shnong wa angnood sakhiat ki u ya krehlang chirup wa ka Dorbar Chnong Cham Cham neibynta i khooid i suba hapoh ka chnong ka thaw.
Da pynkynmoo u leh wa kani man ko ka sien wa ar wa kam ki khynnah SHT da pynkhooid da i rai ki wow yamih pynkhooid chisien chi bnai man-u-bnai yow man ka chnong yong ki kawa khooid wa suba, da yoh leh ya ki kyntien sneiñ kyntien khroo na ki waheh kam u Dibol Dkhar u Secretary VDP Cham Cham wa na u Stop Phawa u Secretary ka VEC Cham Cham.
Nyngkong da e ki yei yaroh wa khroo ya ki khynnah deiwa ong wa phi man sakhiat phi ki khynnah ki wada yoo jngai, chynna jngai neibynta i khooid i suba ka chnong yong i, heijooh i por leh man phi ki nongmuna wa bha tam ya kiwi tawon. Da ong ki leh wa i lehkhooid emkaam u sikai nadooh wa dang khian, emkaam leh u yakreh lang i chirup nadooh ki khynnah hadooh ki waheh yoh u ye u wanrah ya i khood i jngiar hapoh chnong poh thaw.
Hadien wa da pynwai ya ka yalang da sdang wow ya mih pynkhooid chnong nadooh napoh chnong ha waroh soodong ka chnong kamtæ ter ter hadooh cha ka Kchaaid Rynji, Sahksaw kiwa man ki thaw uiñke suwari hapoh ka chnong.
Ha chwa wow pynkut da e khublei ya waroh ki khynnah, ki seiñ Manbei, ya ki waheh kiwa ya emlang nadooh wa sdang hadooh wa pyndep.
Kani toh ka wyrta na u Secretary ka Shlem Hikai Tynre Sein Raij Shnong Cham Cham u Wansalan Dkhar.
