Jowai: Kam chibynta wow wanrah ya ka khooid ka suba hapoh ka chnong, ka Village Defence Party (VDP) yong ka dong Moosyiem wa em hapoh ka chnong Shangpung, ha ka 10 tarik uni u bnai da pynman da ka pynkhooid dong heiwa da mih paidbah kynthai wa chynrang wow pynkhooid ya ki soodong sookun ka dong Moosyiem.
Ha chwa wow pynman ya ka pynkhooid dong da em ka yalang ka VDP Moosyiem ha ka 9 tarik ha Community Hall Moosyiem heiwa da pynkha ya ka tnat VDP khynthai wow yarap hei sonteri ya ki kaam sih kamjooh leh wow pait ya ka khooid hapoh ka dong.
Da jied ya ka Siberlin Langbang kam ka Chairperson, ka Secretary ka Annigeorge Suiam wa 20 ngut ki dkhot.
U Final Langbang u Secretary ka VDP Moosyiem Shangpung da pyntip u wa ka dong Moosyiem da maham ko ya waroh ki dukan dai cha hadooh ki karkhana chna kari wym hoi u noh pathar ya ki jakhlia kat cha wa yoh wei lada chem ya kiwa leh pyrchah daw pynchitom ya ki katkam ka aiñ ka chnong.
Discussion about this post