Jowai: Ka dong Dongmihsngi, Ummulong ynnin ka 7 tarik chirup wa ki dkhot yong ka Maruti Association Ummulong Unit wa ka Tourist Association Ummulong Unit da pynman ki yei pynkhooid ya ka thaw pynyieñ kari hadien wa da yoo ki jakhlia wa em hakani ka thaw kawa haap hapoh u pood u ang yong ka Dong.
Heijooh i por ka Dong da maham joor ko ya kiwon kiwon kiwa pyntaroi ha kani ka thaw wei daw em leh ka kuna nadooh ka 9 tarik lada em kiwon kiwon kiwa leh pyrchah yeini.
Da khang leh ya ki kari wow booh miet (overnight parking) nadooh CHC Thlu-Ummulong Hadooh ha Police Point Ummulong.
Ya kiwon kiwon waleh pyrchah daw chah pynchitom ki katkam ki kyndon krehkaam ka dong.
Discussion about this post