Ka seiñ Jaiñtia Students’ Movement Eastern Region (JSM-ER) kam i dak wow burom ya uwa yaleh laitlooid ka Ri-loom Jaiñtia nei synchaar embor ki pharæng, U Woh Kiang Nangbah, ynne ka sngi da lai pynkhooid ki ya u mot sahnam wa em ha pchem ka yung krehkaam u DC ha Khliehriat.
Ka seiñ da kyrpaad ko leh ya kiwi ki seiñbhalang lane kiwon kiwon wow sñiawbha u pynkhooid hadien wa da dep pynman kiwon kiwon ki yalang wa ym toh wow ieh sah ya kiyi kiyi kiwa da dep booh kiwa ye wow pynsihdur ya utai u mot hadien wa da pyut ki ha i thaw wa ieh.
Ka seiñ da ong ko leh wa daw pteiñ chooh chooh wow pynkhooid na i por cha i por.
Ya ini i pynkhooid da yahkhmat da u President ka Eastern Region u Wellson R D Siangshai wa u General Secretary u Suni Bareh deiwa emlang u Vice President u Donkupar Roy Kharkrang wa u Information Secretary u Bunmiki Siangshai wa kiwi de ki dkhot.
