Kam chibynta wow lehkmen ya ka Gandhi Jayanti, ka NSS Unit yong ka Shangpung College ynne da pynman ko yei pynkhooid ya le tylli ki tyllong um wa em ha ka thaw wa em ka skur ka Dorbar Chnong Mynska.
Da leh yeini i pynkhooid kam chibynta ka Swachhata Hi Seva Campaign deiwa emlang ryngkat ki manbei yong ka chnong hapoh i yahluti ka B. Dhar, Secretary VEC, Mynska.
Neiliang u E. Iakai, Assistant Professor yong ka Shangpung College uwa man leh kam u Programme Officer yong ka NSS Unit hawa e yei klam da kyntu u leh ya waroh wa i pynkhooid chnong hi ymtoh du ha ki por khawai næ ki sngi kyrpang tangwa i pynkhooid hi toh u man ko ha iwon iwoh i por yow yoh yei khooid i suba wa paka.
Da e khublei u leh ya ka Dorbar Chnong Mynska wa da e laad ko ya ka Unit wow pynman kam kini ki jait kaam wei kyrmen skem u leh wa nang ye u pynman ya kini ki jait pynkhooid ha kiwi tawon ki thaw wa em hapoh u pood u ang yong ka Laskein Block.
Da pynwai ya kani ka sngi da ki kyntien sñiawngooh na ka B. Dhar cha ka NSS Unit hi waroh wei khamtam ya ki Volunteer wa da e kti ki doh wa mynsien yei kaam wa pynkit ha ki.
Discussion about this post