Kam chibynta i lehkmen i dap 75 snem i laitlooid ka ri India iwa da e pyrtuid Azadi ka Amrut Mahotsav heiwa ha uni u Naichiphaw da jied kam u bnai wow lehkhooid namo ka Clean India hapoh ka Swachh Bharat deilang wa waroh kawi ka ri iwa da sdang leh ynne ka 2 tarik.
Kamtæ neiliang ka NYV National Youth Volunteer ka NYKS (Nehru Yuva Kendra Sangathan) Jowai, West Jaiñtia Hills District, ka Department of Youth Affairs, ka Ministry of Youth Affairs & Sports ka sorkar India deiwa ya krehkaam lang wa ki Youth Club wa em ha ki District kam chibynta wow sdang ya ka Clean India ynne ka 2 tarik, heiwa ya ini da leh ha u mot sahnaam u Kiang Nangbah wa em ha Syntuksiar, Jowai deiwa ya krehlang leh wa ka sorkar jylla, ki bor District, ki chnong, ka DRDA wa kiwi kiwi.
Ha kani ka sngi da em ka yalang wa pynlai da u Wantei Khonglah, Team Leader NYV, West Jaiñtia Hills. Heiwa da yoh yei klam na uwa chah khut kyrpang u Sonatan Das, Sub Regional Employment Officer, Directorate General of Employment, Ministry of Labour & Employment, ka sorkar India uwa da klam yei emkaam wow kreh yow man kiwa lehkhooid, wow pynlang ya ki Plastic wa pynemkaam chisien donhi deiwa pynman leh yei pynlang jhep deiwa lai na iwi-pa-iwi i yung ha waroh kawi ka ri deiwa ya krehlang wa ka imlang sahlang, ki NGO yow wanrah yei pynsñiawthooh kamjooh yow em i sarong kam kiwa chong chnong yow man ki thaw ki bhaw kiwa khooid wa jngiar.
Hadien ini, u Biangpor Shylla, President, Tribal and Rural Social Foundation (TRSF) da e u yei klam wa tbian deiwa khana yei wan ki dong ki chnong chakhmat wow ksohkti lang ha ini yaleh wow man kiwa khooid.
Ya ka yalang chim smai wow man kiwa lehkhooid da leh deiwa emlang ki dkhot kawa yahkhmat da u Biangpor Shylla hi.
Da pynman leh yei pynkhooid ya ki bynta wa em u mot Kiang Nangbah, u khlawait ka Ri-loom Jaiñtia.
