Kam chibynta wow pynoo yei chit rhem mynsien ki sahep wa kiwa kreh yei khooid i jngiar ka soodong sookun, da pynman yei pynkhooid namo ka Cleanliness Drive ynnin ha Raj Bhavan, Shillong iwa man leh i thaw sah u Lat ka jylla, u Phagu Chauhan.
Kiwa kreh da lum ki ya ki luti syngkieñ wei da jied kamjooh da noh ki yei jhep katkam ka rukom noh ha jar jiar i thaw.
Najrong wow wanrah yei khooid wei miat ka Raj Bhavan, man ko leh kam wow pynyoo yei kitkhlieh kiwa kreh kani ka thaw wa da bna naam ka jylla.
Hadien ini da pynman leh ya ka Health Camp neibynta kiwa kreh kamjooh kiwa ha-yung ha-sem yong ki heiwa da e dawai leh yow yoh yei chait i khiah.
Kam chibynta won ka lehkmen ya ka Independence Day 2023, da pynbna wa ka Raj Bhavan, Shillong daw man ko kawa wai neibynta ki paidbah ha kani ka 15 tarik nadooh 3:00 waje i sngi hadooh 8:00 waje i miet.
Discussion about this post