Jowai : Ka seiñ Jaintia National Volunteer (JNV) hadien wa yoo ko wa joor i tngit ka wah myntdu khamtam ki bynta nadooh na yingkieñ thymme hadoooh ha Lynter ynne ka sngi da pynkhooid ki ya i rood wah tymbud ka Wah wei da chna leh ya ki thaw nohjhep dei thmu wow wan kit ya i jhep chisien chi tayaw.
“Kani toh ka thaw wa ki nong chong chnong ka chnong Jowai ka-it bha ki u lai ke chi yung chi sem kamjooh u lai baamdoh hadooh ki wa na palat chnong. Kam heini por tlang da toh biang i por wan ke sniawbha kamjooh i por baamdoh tangwa i thaw waroh chi lynter man i iwa tngit wa ym yahap de u man ka thaw lai ke lai pynngad, kamtæ kam wow pynkynmoo ya ki paidbah wow ya snoh kti lang ki hei yatoh wow pynman ya ini i thaw kamjooh ya ka wah ka wa khooid wa suba ka seiñ da pynman ko da ka ‘Cleaning Drive.’ Hei jooh i por leh yow kynmoo ki paidbah wa dang da kani hi ka um wa e umdih ya ka chnong Jowai.” Ong u ma Heibormi Pariat, Finance Secretary ka JNV.
Ka seiñ da kyntu ko leh ya ki paidbah wow chimkhia ki u noh ya ki klong, ki plastik wa kiwi ha ki thaw wa da booh kyrpang yow suk ka seiñ heipor wa wan lum yei jhep neibhah lada ym em i yakreh lang ka Wah Myntdu ym slem de daw kylla ko kam ka wah Umkhrah.
Kam wow pynkynmoo heini wa dang ha kani ka tayaw da em ki kattu katni ngut ki chilok kiwa lai baamdoh ha ini i thaw da yaleh ki u pynkhooid ya chibhah ka lynter ha kani ka wah.
Discussion about this post