Jowai: Ka dorbar chnong Loompyrdi Iongpiah, Jowai kamwa jooh leh khlieh u snem ha uni u snem leh da pynman ko ya ka pynkhooid chnong kam chibynta wow kynmoo warom ya ka Sngikha wa 150 snem yong u Mahatma Gandhi.
Ha kani ka sngi da pynman leh ya ka yalang neibynta wow pynsñiawthooh ya ki mat wa ha khmat yong i khooid i jngiar namo ka ‘Awareness on Basic Approach Towards Cleanliness’ wow embyntalang wa kawi na ki mat krehkaam yong ka ri India neibynta wow pynpoi thong yei khooid i jngiar hapoh ka Ri wa tip kam ka ‘Swachhata hi seva movement’.
Ya kani ka yalang da pyntoh pyntne da ka Khynroo Khyllood Committee wei da pynlai da u Vice Chairman ka chnong u Ram Shullai.
Da yoh yei klam na u Pearlet Toi, uwa da klam hei yatoh wa emkaam i khooid i jngiar samen, pynbood won i khooid i jngiar hapoh yung poh sem kamjooh ha ka chnong ka thaw hi waroh kawi.
Hadien neitæ da yah wow puræ ya ki kyntien kular namo ka pledged na u Chairman yeiwa da pynbood lang ki paidbah.
Neiliang u General Secretary u Bimee Suwer, da pynche u ya ki paidbah hei yatoh wei su i sai wa haap u su cha Municipal wei da pynkut ya ka yalang da ki kyntien khublei na u Remison Laloo, Secy. KKC.
Discussion about this post