Shillong: Ka Central Puja Committee (CPC) kawa man ka seiñ wa pynbait ya ka lehniam Puja kiwa ngait Hindu ha Meghalaya, da pynkhreh ki wow pynman ya ka lehniam Durga Puja kawa jop ha waroh kawi ka jylla ka wow sdang nadooh ka 4 tarik hadooh ka 8 tarik uni u bnai.
Hawa klam wa ki laad pathai khubor ynne ka sngi, u General Secretary ka CPC, u JL Das da pyntip u ha uni u snem da pynkhreh hadooh 242 tylli ki rynsan lehniam wa heh, wa kynthup 118 tylli ha Khasi Hills, 14 tylli ha Jaiñtia Hills wa 110 tylli ha Garo Hills.
U Das da pyntip u wa ha chwa ka lehkmen ya kani ka leh niam Puja daw em leh ka yachemlang yong waroh ki jait niam ha ka 2 tarik uni u bnai, ha Aurobindo Hall nadooh i por 3 waje noh chariñ ka sngi heiwa u montri rangbah, u Conrad K Sangma u man u kam u kongsan.
Hawa yatoh i e yada, da pyntip wa neiliang ki pulit daw ya krehlang neibynta wow pynman ya kani ka lehniam kawa jop wa kawa suk wa saiñ, wei da pynrap chooh chooh wa da booh leh ya ki CCTV ha man ki thaw næ ki rynsan wa pynman yaka lehniam.
Ha kawi won ka liang kiwa yahkhmat ka CPC da pyntip ki wa kani ka lehniam ha uni u snem daw man ko kawa rap phær heiwa ka CPC da kyntu ko ya waroh ki para wa ngait wa ki paidbah wow yait na i pynemkaam ya ki Plastic yow man ko kam ka Plastic Free Festival, wow yada ya ka rymaw.
Discussion about this post