Shillong: U Montri Rangbah, u Conrad K Sangma da ong u wa khnang wow pynduna yei eh wa mih na i kaam bordiñ, ka sorkar jylla da pynkhreh ko u pynmih noh ya ka bordiñ lyngba i bor yong ka sngi (Solar Energy), wei neibynta ini ka sorkar India da mynjur ko wow e ya ka mang poisa neibynta 121 tylli ki yung krehkaam ki chnat ka sorkar wei u em ki leh ya ki Net Meter.
Da ong u wa kini ki chnat u kynthup ki leh ya ka Meghalaya Secretariat, ka yung sah u Montri Rangbah, ki thaw sumaar kam ki PHC/CHC, ki yung krehkaam ka sorkar cha ki thaw palatsor wa cha ki thaw wym em bordiñ.
Ha iwi tawon i liang u Conrad da kyntu u ya waroh wow em ki i kitkhlieh wow syndong ya ka bordiñ deiwa kiar u leh lutphut wei da kyntu u leh wow pynemkaam noh da ki Bulb wa duna i baam bordiñ.
Da ong u wa ka sorkar pyrchang ko wow pyndam yeini i eh i khoo wa yatoh wa ka bordiñ wei toh leh i kaamram ki paidbah wow man ki kiwa yakrehlang.
Discussion about this post