Pynkhreh ka sorkar wow pynboon chooh chooh ya ki kari 108 hapoh jylla

Shillong: U montri ka tnat i chait i khiah, u Alexander Laloo Hek da ong u wa ka sorkar thmu ko wow pynboon ya ki kari kit wakjut 108 hapoh ka jylla.

Hawa jubab yeiwa kylli u Syntar Klas Sunn, MLA ka Mawphlang, u Hek da ong u wa ka sorkar ha u snem 2009 da yatoh lok ko wa ka GVK EMRI neibynta wow pynlai ya ki kari kit wakjut 108 wei ha uni u snem wa sdang da pynlai ya ki kari du ha East Khasi Hills wa West Khasi Hills neibhah wa da em dang du 15 tylli kini ki kari.

Da ong u wa katni ki kari 108 em ki 48 tylli ha ki ynñiaw tylli ki district wei ha ki 43 tylli ki thaw katwa ya ki 5 tylli da pynyang chwa, da ong u leh wa ka sorkar thmu ko wow wanrah sa 42 tylli ki kari 108 ha ka jylla, wow yarap ya kiwa kjut wot ha ka luti wow lai cha ki thaw chah sumaar.