Deiwa pyrkhat yei joor i kynaad ha ri Bangladesh, neiliang ki BSF Meghalaya Frontier, kiwa pait ya u 444 Km u pood waka Bangladesh, da pynjoor ki yei uiñ sonteri yow lai tem ya iwon iwon wa ye u jia ha ki thaw khappood.
Da pyntip ki wa kattæ da pynboon leh yei em ki BSF ha tymbud u pood yow lait u em kiwa chim kabu wow psiah tooh kamjooh wow khayi tooh.
Neiliang u IG BSF Meghalaya, u Harbax Singh Dhillon da ong u wa ki chipai kamjooh ki Field Commander da tip bha ki yeiwa jia cha kylla pood wei da chimkhia ki wow pait bniah yow lait u jia iwon iwon i wym poi pyrkhat wei da phah leh boon ki heh namo ki Senior Officer wa ki Commandant cha khappood wei da phah ya ki wow man kiwa da pynkhreh.
Chooh chooh da pyntip wa waroh ki Land Custom Station wa ki Integrated Check Post wa em ha khappood ka Meghalaya wa Bangladesh toh kiwa yang thij yow pait yei lai i wan ki bru wei neiliang ka sorkar Meghalaya leh da pynkrehkaam ko da ka Night Curfew ha waroh uwi u pood.
Neitæ da pyntip leh wa ki bor District deilang ki pulit da ya krehlang ki wa ki BSF yow pynkhlan yei yada pood kamjooh da pyntip leh cha kiwa chong chnong wow man ki kiwa syndong bha.
Discussion about this post