Kam chibynta wow pynkhreh yei wan ka Presidential ka India haka 16 tarik cha Shillong, neiliang ka Raj Bhavan, Shillong da pynman ko da ka Mock Fire Drill namo i pynyoo yei pynkhreh wow tympleh diñ iwa da leh ha pchem ka Raj Bhavan deiwa chimbynta kiwa kreh deilang wa ki pulit ka Meghalaya.
Yeini da leh deiwa phah u Lat ka jylla, u Phagu Chauhan wei da wan u leh wow pait yei lai bait ini i kaam.
Ya kani ka Drill da pynyoo wei da leh da ki pulit ka Meghalaya Fire Service, kiwa da pynyoo kammon wow tympleh diñ, kammon wow pynmih ya ki bru lada em wa iñ kamjooh u sumaar smat ya kiwa chah ktah.
Kiwa kreh ka Raj Bhavan da yoh ki leh yei pynyoo luti da ki bru ka Meghalaya Fire Service kammon wow pynyemkaam ya ki tiar ki taar lada jia wa iñ wei da lai pait leh yei man i rukom taan bordiñ hapoh ka Raj Bhavan yow pyntikna wym em iwa ye u poi chei sdang i diñ, kamjooh i biang ki tiar tympleh diñ kam ki Fire Extinguisher, Water Hydrant wa kiwi de.
Discussion about this post