Pynknmoo u Sniawbhalang ya ki SHG wa ki VO wow krehchitom neibhah ka poisa wa khlem i krehchitom chibet da wiar ko

Shillong: Kam chibynta wow lehkmen lang wa waroh kawi ka ri, ka Ministry of Rural Development, Government of India hei yakrehlang wa ka Meghalaya State Rural Livelihood Society (MSRLS), ka tnat ka Department of Community and Rural Development Department, Government of Meghalaya, da kynmoo ko ya ka Gram Swaraj Abhiyan’s “Ajeevika and Kaushal Vikas Diwas” ynnin ka sngi ha Shillong ha Multi-Use Convention Centre, NEHU, Shillong heiwa u da wan u Sniawbhalang Dhar, Minister, State Community and Rural Development kam u kongsan.

U kongsan hei klam yong oo da pynkynmoo u ya kiwi pa kiwi ki dkhot ki Self Help Groups (SHG) waki Village Organizations (VO) u yakrehlang u yatylli wei wow krehchitom hanlada i kaam man i iwa khian namo i wa heh wei ini man i i myllien kiwon kiwon ki seiñ yow ye ki u man kam kiwa ye u e kreh u chna kreh ya kiwa ym em kreh hapoh ka jylla.

Da ong u leh wa emkaam u krehchitom wym toh u kwah poisa khlem kreh chitom neibhah ka poisa wa yoh khlem krehchitom du katwon donhi daw wiar ko. Da kyntu u leh ya ki dkhot ki SHG wa ki VO wow man ki kiwa yaichah wei kani toh kawa emkaam dooh katni yow man ki kaam yong ki ki wajop. Da pynkynmoo u leh wa lada emkaam ki iwon iwon wow lai yachem ki wa ki heh sorkar wa ye u yarap ya ki.

Ka I.R. Sangma, CEO, Meghalaya State Rural Livelihood Society (MSRLS) won da khana ko ya kiwa boon ki Scheme wa da sdang ka sorkar pyrdi wa kynthup ya ka Gram Swaraj Abhiyan, deiwa ong wa kini ki Scheme toh wow pynkupbor ya ki kynthai wow pynku ya ki chnong nongkyndong khamtam ya kiwa dooh wa duk deiwa yarap ya ki wow ye ki u seiñ khih wei wow pynku yei rukom im yong ki yow pynwiar jait noh ya ka dooh ka duk.

Related posts

Khlaad noh ka Kong Nitaboris Biam

November 9, 2024

Sñiawkhia u Andrew Shullai ya i tlot i rukom pynmih poisa ka JHADC

November 7, 2024

Ha kani ka sngi da saam khusnaam leh cha ki SHG kiwa da leh bha ya ki kaam yong ki, ki Village Organizations (VO) wa ki seiñ khian yong ki bru samen wei da pyllait leh ya ka Sanction Order yow pyllait ya ka Community Investment Funds (CIF) cha ki 17 tylli ki Village Organisations.

Kiwi de kiwa emlang ha kani ka sngi toh u R.S Chatterjee, Deputy Secretary, Ministry of Rural Development, u R. Ryntathiang, Under Secretary, Ministry of Rural Development, u G.S. Lyndem COO, DDU-GKY, u D. Kumar, Chairman, Meghalaya Rural Bank wa u S.F. Lyngdoh , COO, MSRLS.