Jowai: Ka seiñ Meghalaya Peoples’ United Front (MPUF) Central Governing Body, toh kawi na ki seiñ kawa kreh neibynta i eh i khoo ki paidbah khamtam kiwa dooh wei wow kreh neibynta ka jaitbru.
Kamtæ ka seiñ ynne ka sngi ka 25 tarik hapoh i yahkhmat u president yong ka chirrup wa ki dkhot da hiar ki cha ki thaiñ East Jaiñtia Hills, da pynyaar ya ka tnat krehkaam yong ka kawa tip kam ka MPUF East Jaiñtia Hills District.
Kiwa kitkaam kani ka tnat kynthup ki ya u:
- President – u Michal Chyrmang
- General Secretary – u Wanki Lyngdoh
- Organising Secretary – u Diamond Sympli
- Public & Information Secretary – u Rimiki Rymbai
- Finance Secretary – u Meri Bareh
- Education Secretary – u Marki Shiangshai
- Displinary Secretary – u Hunting Lyngdoh
Ki dkhot kani ka tnat toh u Chairly Chyrmang, u Nijoh Lyngdoh, u Rilang Sympli, u Nevermind Wan, u Ten Lapasam, u Rilang Siangshai wa kiwi kiwi.
Ha kani ka sngi ya ka yalang da pyllai da u General Secretary ka Central Body u Aimonbha Syad heiwa da yoh ya ki kyntien lamphrang na u Asst. Secretary u R. Paslien wa ki kyntien sneiñ kyntien kroo na u President ka seiñ u D. Wanmi Laloo.
Ya i kyntien khlai kular daw da leh da u D. Wanmi Laloo wei da yoh leh yei kyntien na u president ka MPUF-EJHD u Michal Chyrmang wei da yoh won ya ki kyntien khublei na u president ka MPUF-LKC u Hamwer Bhoi.
Discussion about this post