Jowai : Heiyatoh wa mih ka hukum na ki bor District ka Moulvibazar, Bangladesh wow beh chnong ya ki paidbah ki ar chnong kiwa kynthup ya ka Nahar Aslom wa ka Nahar Kailin hapoh ka 12 tarik uni u bnai da yoh yutip wa tikna heiwa ki wachong chnong man ki kiwa da pynkhreh chynrang wa kynthai lada pynemkaam ki heh sorkar dei bor.
Hadien ini ki paidbah kini ki ar chnong da da chong pyrkhat ki hei yatoh weini ha i miet ka 9 tarik wa kammon u leh ki lada chah beh sakhiat ki deibor kammon u leh ki.
Ha kani ka yalang da chim ya ka rai wa lada jia wa wan ki bor District ka Moulvibzar chirup wa ki pulit u yieñ yaleh pyrchah ki yeini waroh wei da rai leh wa ki kynthai waroh u yieñ ki naphrang dooh.
Heijooh i por hei yaklam wa ki bru ki ar chnong da man ki kiwa da pynkhreh wow yada yaki yung ki sem, ki bri wa ki khon ki kti yong ki wei u pynemkaam ki katwa ye i bor yow chong yow neh heini.
Ki khynnah wa boon na kini ki ar chnong boon kiwa da liwan cha yung na ki thaw puræ wa em ha kylleiñ ka ri Bangladesh yow ya emlang wa kiwa hayung hasem yong ki waroh kam ha kini ki por.
Hei yaklam u Wyrta wa u President ka Greater Sylhet Indegeneous People’s Forum u ma P. Suchiang da ong u wa ym ye ki u pynemkaam da i bor næ u beh chnong ya ki neibhah wa ki man sakhiat ki ki tre chnong tre ri heini.
Neiliang u Wyrta daw wanrah u cha phi ya ka khubor hei yatoh weini mynstep ka 12 tarik kawa man ka sngi khaddooh katkam ka hukum ki bor ka District.
Discussion about this post