U DC ka East Jaiñtia Hills District da pyntip u wa neidaw wa joor u slap ha kini ki sngi wa dadep, da chah ktah bha ki luti ki syngkieñ nei oor khyndaw, oor moo iwa da booh hei maa ya ki bru kamjooh ki mrad.
Hajrong ini da pyntip u wa i heh um da kit ko leh ya ka yingkieñ wa jrong 16.5 M kawa em ha u sarok Sonapur-Borghat kawa em hajan ka chnong Shymplong heiwa kani ka yingkieñ da chah kit lut ko wei ym hoi de u lai u wan.
Kamtæ neidaw wa ini i thaw da man i iwa maa ya ki bru kamjooh ki kari wow lai u wan ki, da pynkrehkaam noh da ka Section 144 CrPC yow khang yei lai i wan kiwon kiwon ki kari ha kini ki bynta wa em kani ka yingkieñ wa da chah rah kamjooh yei pyrchang wow kaap cha chilliang dei kjat kamjooh leh da ki lien.
Kani ka hukum toh kawa da krehkaam chisyndon hadooh wa pynbna da kamwi.
