Delhi: Ka Union Cabinet wa khlieh da u Prime Minister u Narendra Modi ynne ka sngi da mynjur ko wow pyllait chooh chooh yaka Dearness Allowance (DA) cha ki wakreh ka sorkar pyrdi kamjooh yaka Dearness Relief (DR) cha kiwa da chong ngiah ka wow kheiñ nadooh ka 01-07-2019 iwa da pynku sa 5% na kawa da e katni kawa 12% naka Basic Pay/Pension, yow pyn yahaap wa i ku dor ki mar ki mata. Ya ini i pynku da leh katkam ka yukheiñ (Formula), katkam ka 7th Central Pay Commission.
Ini i su yaka pyn-ar ka Dearness Allowance wa Dearness Relief daw lut ka sorkar T. 15909.35 klur chi snem wa T. 10606.20 klur ya u snem mang poisa (Financial Year) 2019-20 iwa 8 bnai nadooh u Naiynniaw (July), 2019 hadooh Thohlakhmi (February) 2020. Na ini daw yoh myntoi kamwa 49.93 lak ngut ki wakreh ka sorkar pyrdi wa 65.26 lakh ngut kiwa da chong ngiah.
Yaka Dearness Allowance/Dearness Relief da su cha ki wakreh ka sorkar pyrdi deiwa pyrkhat yei ku dor i bai im yow yada yaka Basic Pay/Pension yow lait ko u hiar dor. Ka Dear Allowance/Dearness Relief toh kawa da pynkylla arsien chi snem nadooh ka 1 tarik Duiatra (Jan) wa haka 1 tarik Naiynniaw (July).
Discussion about this post