Ka sorkar Meghalaya lyngba ka chnat Finance (Pay Revision), ynne da pynbna ko wow pynku noh ya ka Dearness Allowance/Dearness Relief cha ka 28% na ka 25% kawa daw kheiñ nadooh ka 01-01-22.
Ini i pynku u man ko neibynta waroh kiwa kreh sorkar ha waroh ki kyrdan, kiwa lai Pension wa kiwa hayung hasem kiwa ksoh ya ka Pension.
Kani u man ko leh neibynta kiwa kreh kam ki Work-Charged Establishment wa kiwa kreh kam ki Casual deilang kiwa man kam ki Bungalow Peon wei u man ko leh neibynta kitu kiwa ksoh yei kreh wa yoh ya ka tulop wa yahaap wow yoh ya ini.
Ka Dearness Relief hapoh ini i pynbna ym e cha kitu kiwa da yoh Pension lane kiwa hayung hasem yong ki kiwa da yoh kreh biang ha ki Company ki sorkar jylla lane ka sorkar pyrdi lane kiwon kiwon kiwa em hapoh ka sorkar kam ki Corporation wei daw e biang ya ki manda kut ini i kreh ki.
Ya kani ka Dearness Allowance/Dearness Relief daw phah cha ki Head of Accounts yong jar jiar ki chnat sorkar wa pait ya ka tulop kamjooh ka Pension.
