Ynnin ka sngi ka Akhil Bharatiya Vidyarthi Parishad (ABVP)-Jowai Unit da pynkup burom ko da ka “U Kiang Nangbah Best Students Award” cha ki khynnah na ki skur waphær waphær kiwa da leh bha ha ki Exam yong ki ha uni u snem.
Ya ini i pynkupburom da pynman ha School Auditorium ka Marian Hill Higher Secondary School, Jowai.
Ha kani ka sngi ka Trinity Sayoo kawa man kawa sikai kamjooh kawa da yoh ya ka Padmashree Award da man ko kam ka kongsan hei emlang u Dolloi ka Elaka Jowai, u Puramon Kynjing, u Principal ka Khliehriat Eastern College, u Dr. Phervision Nongtdu, ka dkhot ka CWC ka ABVP, ka Darilin Tang, ka State Secretary ka ABVP, ka Nibiang Sumer wa kiwi kiwi.
Ka Trinity Sayoo hawa e i klam da khana ko ya ka luti wa da lai ko wei da batai ko kammon u man ki bru kiwa kitkhia yei kaam kam ki khynnah skur. Da kyntu ko leh ya ki khynnah wow man kiwa minot ha i puræ puthi yong ki.
Ha kani ka sngi da pynkup burom hadooh 56 ngut ki khynnah na ki 37 tylli ki skur ka Ri-loom Jaiñtia.
