Shillong: Ka seiñ ABVP, Shillong ynne ka sngi da e khusnaam ko cha ki khynnah puræ ka sor Shillong kiwa poi cha khmat na kawi pa kawi ka skur kawa tip kam ka “U Tirot Sing Best Student Award” kawa pynman ha Aurobindo Ashram, Shillong.
Ha kani ka yalang da wan u lat ka jylla u Ganga Prasad Chaurasia kam u kongsan hei emlang u Om Prakash Agarwala, u President wa rim ka Chamber of Commerce, Shillong, ka Speaker Joram Aniya, National Executive Council Member ABVP, ka Darilin Tang, State Secretary ABVP, Meghalaya, u S.K. Srivastava, Vice Chancellor, NEHU, u B.B. Dutta, dkhot wa rim ka Rajya Sabha wa u Vikash Gupta, Ward Commissioner ka JB Cantt.
U kongsan hei klam i yong oo da ong u emkaam u emlang ki khynroo khyllood ka ri wow pynku ya ka ri wei da ban joor u yei emkaam wow yoh ya ka puræ puthi wa paka yow man ka ri India kawa khlan sakhiat.
Da e khublei u leh ya waroh kiwa da poi cha khmat ha ki Exam waphær waphær wei da kyntu u ya ka ki leh wow embynta ki ha waroh ki kaam imlang sahlang.
U O.P. Agarwala won da ong u wa du deiwa yoh ya ka puræ puthi wa biang u ye u pynman ya waroh kiwa chong chnong wa em i kitkhlieh.
Ha kani ka sngi kamwa 100 ngut ki khynnah na ki skur wa ki College da pynkup burom ya kiwa poi cha khmat ha ki exam SSLC, HSSLC, ICSE, CBSE.
Discussion about this post