Jowai: Ka seiñ AJSU Shangpung Unit (SU) ha kani ka 15 tarik da pynkup burom biang ko sa ya ki 3 ngut ki khon ka West Jaiñtia Hills District kiwa naka chnong Shangpung kiwa wanrah burom ya ka jylla waroh kawi.
Ha katai ka sngi ha chwa wow pynkup burom da pynman ya ka yalang kawa tbian wa pynlai da u Organising Secretary ka Shangpung Unit.
Ya i pynkup burom da leh da u President yong ka Shangpung Unit wei heijooh i por da kyntu u ya ki khynroo khyllood wow man ki kiwa chlur, yow poi ki cha ka thong wei yow man ki ka nongmuna wabha ya kiwi, wei da kyntu joor u leh ya ka bor District wa ya u MLA ka thaiñ kamjooh wow kynmoo kini kiwa wanrah burom ya ka chnong wa ya ka thaiñ waroh kawi da ong u Byntami Sajem, President ka AJSU Shangpung Unit.
Kiwa chah pynkupburom toh kiwa da wanrah burom ha ka WAKO India Kickboxing Federation Cup 2017-18 wa pynman ha uni u snem ha New Delhi kiwa kynthup ya kini hawah:
- Ka Anjelin Iakai na Shanpung Khlehmuchut.
- U Pynbait Wan I Kanai na Shangpung Koira.
- U Heimonmi Suchiang na Shangpung Pohshnong Lumrangnah
Discussion about this post