U khloor yalehke ka ri hei rah-khia (Weightlifting) uwa yoh takma ksiar ha ka Commonwealth Games, u Naib Subedar Jeremy Lalrinnunga da pynkupburom ya oo ynne ka sngi ha Headquarter 23 Sector Assam Rifles hapoh i pait u Inspector General, Assam Rifles (East)*, ha Aizawl.
U Nb Sub Jeremy Lalrinnunga toh uwa na sor Aizawl, Mizoram wei da yoh takma ksiar u ha ka kyrdan 67 kg yong ka Weightlifting ha ka 2022 Commonwealth Games Birmingham (England).
Neiliang u Jeremy da khana parom u kammon da jied ya oo da ka Army Sports Institute, ha i rta wa dang khian. Da khana u kammon sdang yoh takma ksiar u ha u 2018 ha ka Boys’ 62 kg Category Weightlifting deiwa rah 274 kg kawa man leh ka takma ksiar wa nyngkong dooh wa yoh ka India ha ka Youth Olympics Games.
Da e khublei u ya ki chipai kiwa da yarap wow pynjanai ya i sap yong oo. Ha kani ka sngi da yachem u leh ya ki khynnah heiwa da kyntu u ya ki wow kreh nadooh dang khian ya i sap wa em ki.
