Pynkup burom ka chnong Panaliar ya kiwa dadap 75 snem i rta chaneiñ

Ka chnong Panaliar, Jowai ynne ka sngi da pynkup burom ko ya ki khon ka chnong yong ka, kiwa dadap 75 snem i rta chaneiñ ha ka yalang wa da pynlai da ka Biangtre Bamon wa u Lakhon Syngkon heiwa da yoh ya i klam tbian heijooh i por i waiphang da u Waheh Chnong, u Riquoma Rq. Laloo, i ngoohblai da u Kyllimot Lhuid katwa ki kyntien e khublei da e da u Marryngkat Syngkon.

Hachwa wow pynkup burom, da yoh ya i rwai pdiang waroh makhane ya ki waheh da ka seiñ kynthai ka chnong wa tip kam ka Panaliar Women’s Welfare Organisation (PWWO).

Hei klam u waheh chnong, da ong u wa i tip bha ya ka chnong toh phi ki waheh wa da pynkup burom ynne; kamtæ ym kwah de u batai ya ka chnong, neibhah da yoo hi phi kammon lai luti ko ha uni u snem.

Da e kyrkhu kyrdoh u ya ki wow pdiang pynkup burom, deiwa ong wa ini toh i kitkhia ki khon ki nat, ki ha-yung ha-sem tæ yoh ki u poi cha ka yungwalieh ka chnong hei yahluti yong u Blai wa chare ya ki dayoh yeini i rata iwa ka chnong lyngba kiwa yahkhmat da thrang ki wow leh burom ya ki.

Related posts

Daw pynkhlan yei rukom krehkaam wow pait yei psiah i mih ha Meghalaya: Conrad Sangma

August 7, 2025

Ujor ka Deiwi Tongper pyrchah ya ka Star Cement ha ka CPCB, SPCB, MP, CEM wa DC

August 7, 2025

E khublei u leh ya ka Executive Committee ka chnong wa yakrehlang tæ ye u pynphet ya ki kaam. Han kattæ leh, chiboon i thut i wit wa dang em ki wym ye u phah ya ka Form ka yong ki, yooluti wa ha kawa daw pynman daw ye lut ki u wan waroh. Da khana haroh u wa ya kani ka pynkup burom da rai wow leh ha man ka san snem, deiwa ngait skem wa kini kiwa da wan ynne leh u yoh biang ki u li pdiang dei wow yoh ya i doh i pran wa chait wa khlan.

Ha kani ka sngi da em ki chaad yongrim wa kiwi ki wow pynkmen pynsñiawsuk ya ki waheh wa wan pdiang burom.

Ka pynkhreh daman sakhiat ko kawa chongchit, heiwa kiwa yoh pdiang yei pynkup burom da em ki 33 ngut wei kawa heh rta dooh toh ka Moi Lakiang katwa kawa khian rta dooh toh ka Waiarlet Lamare.

Da sdang yei pynkup burom da u Riquoma Rq. Laloo kam u Waheh Chnong ya ki waheh dooh, neitæ pynbood sa u Marryngkat Syngkon, General Secretary, u Ram Sumer, Assistant General Secretary, u Lakhon Passah, Treasurer, u Executive Member, u R. Thawmon Bamon, u O. Rilando Shallam wa u R. Kyrtong Bamon.