Shillong: Ka yung krehkaam ka Deputy Commissioner ka East Khasi Hills, Shillong ynnin ka chi tarik da lehkmen ki yaka lyngkhooh snem wa 4 yong ka Digital India.
Ha kani ka sngi da chimbynta da ki wakreh e-District yong ka DC Office, ki Village Level Entrepreneurs (VLE) yong ki CSC wa em ha East Khasi Hills hei emlang ka District Magistrate, ka I. Majaw waka Deputy Commissioner kawa man leh ka Chairman DeGS.
Ka DC ka EKH ka Matsiewdor War Nongbri, IAS da man ko kam kawa chong knor ha kani ka yalang wei da yoh leh ya i klam naka I. Majaw chaphang ka e-District wa na u DIO, u Harvest Synrem, heiwa da e yei pynche chaphang ki kaam wa da kreh ki hapoh ka District heiyatoh waka e-Governance wa ki Government Online Services.
Ka Matsiewdor War Nongbri, IAS, hawa e yei klam da pysñiaw ko yei sñiawngooh ya ki VLE yong ki CSC waphær wa kiwa kreh ka e-District kiwa da ye wow pynmankaam yaka Digital India Programme hapoh ka District kiwa da e myntoi chiboon ya ki paidbah ha ka District.
Ka Matsiewdor da saam ko leh ya ki khusnaam cha ki wakreh e-District wa ya ki VLE kiwa da kreh bha wow e chakri ya ki paidbah lyngba ki CSC ki yong ki.
Discussion about this post