Amlarem: Ka Dorbar Chnong Lamin Pyllun da pynkup burom ko ya u Dimarkithmu Gayang uwa poi chakhmat ha ka kyrdan wa 5 yong ka thup Top Twenty ha ka SSLC yong ka MBOSE ha uni u snem wa ya ki ar ngut kiwa kynthup ya u Deiwamang Khonglah wa ka Saia Lamin kiwa da leh bha kiwa da puræ naka jooh ka skur Jawaharlal Nehru Memorial Secondary School ,Lamin . Wei na kani ka skur da em 24 ngut kiwa yaleh ta ka Exam SSLC wei 21 ngut da lait ki.
U Dimarkithmu Gayang toh u soh nyngkong yong ka chnong Lamin uwa wan ha ka kyrdan Top Twenty heiwa da yoh u 561 Marks wei da yoh u leh 5 tylli ki Distinction (M, S&T, SSc, HPE,Kh) wei ya ini i wanrah naam rah burom yong u Dimarkithmu, neiliang ka chnong da kitbok kitrwiang ki ya oo da ka song poisa wa T. 10,000 wa mar T.3000 ya ki ar ngut kiwa wan chakhmat.
Ha kani ka sngi pynkup burom da emlang lang leh u MLA ka thaaiñ u Lahkmen Rymbui uwa man leh kam u montri wa pait yaka chnat puræ puthi yong ka sorkar jylla uwa man kam u kongsan, hei emlang kiwa kitkaam ka chnong, kiwa sikai skur yong ka JNM Secondary School, ki waheh wasian wa ki paidbah chong chnong kiwa da wan da i sñiawkmen lang.
U kongsan hei klam yong oo da ong u wa dap u dei sñiawkmen hadooh kattæ kattæ kam u MLA ka thaaiñ wei kamjooh kam u montri hawa wanrah naam rah burom yong u Dimarkithmu Gayang ya ka thaaiñ War Jaiñtia wa ya ki ar ngut kiwi won kiwa da psiah ch ka thup Top Twenty ka SSLC kiwa kynthup ya ka Laviana Myrchiang wa u Kyrmen Hamiat Rymbui kiwa da wanrah naam rah burom ya ka thaain, heijooh i por da kyntu kynpham u ya ki khynnah kiwa da lait ha kani ka Exam wow man ki kiwa em mynsien sñiaw khian, i krehchitom chooh chooh ha ka kaam puræ puthi, u man leh kiwa burom mar kylliang wei wow yait naki kaam wa sih khamtam manda poi ki cha sor.
Chooh chooh da ong u wa kam u montri ka chnat puræ puthi, ka sorkar jylla heiyatoh waka puræ puthi da em ka thong wa ha khliehdooh wa kammon wow pynku yei stat i tip hapoh ka jylla khnang wa ka jylla u man ko kawa tyrchaiñ haka puræ puthi.
Discussion about this post