Jowai: Ka Dorbar Chnong Mihmyntdu ha ka 11 tarik uni u bnai da pynkup burom ko ya u MDC ka 17-Jowai North Constituency u Brightstar Chyrmang uwa man leh kam u khon yong ka chnong.
Ya kani ka yalang pynkup burom da pynlai da u Chriam Ryngkhlem uwa man kam u Chairman ka chnong, i klam pdiang burom na u Kmen Shylla uwa man kam u Secretary ka chnong.
Ha kani ka sngi pynkup burom ya u Brightstar Chyrmang, da emlang ki MDC kam u Jesse Suiam, Lakhon Dkhar, Saron Paswet, Phasmon Dkhar, Ailad Bhoi, wa kiwi kiwi kamjooh leh u MLA ka Jowai u Wailadmiki Shylla.
Da pynphooh pynphieñ ya kani ka sngi da ki chaad wa da pynkhreh da ki khon ka chnong.
Discussion about this post