Jowai: Kam chibynta u e mynsien ya ki khon khynroo khyllood hei puræ puthi, ka Dorbar Chnong Ummulong, West Jaiñtia Hills District, ynne ka sngi da pynkup burom ko ya ki 4 ngut ki khon ka chnong kiwa da leh bha hei puræ wa kynthup yaka Wanlana Hazel K Lamare, u Hakini Kyndiah, u Nathaniel Warlarpih wa u Echwamida O K. Lamare.
Ka Wanlana Hazel K Lamare da yoh ko 92.2% haka Indian Certificate of Secondary Education yong ka Indian School Certificate Examination New Delhi.
U Hakini Kyndiah da yoh u 84.8% haka Senior School Certificate Examination yong ka Central Board of Secondary Education.
U Nathaniel Warlarpih da yoh u 94.8% haka Senior School Certificate Examination yong ka Central Board of Secondary Education.
U Echwamida O K. Lamare da yoh u 85% haka Senior School Certificate Examination yong ka Central Board of Secondary Education.
