Amlarem: Kam chibynta wow pynchlur ya ki khynnah ha i liang i puræ phuthi, sa chisien ka Elaka Satpator Dolloiship ha kani 30 Naikhynde 2017 da pteiñ biang ko wow saam ya ki khusnaam cha kitu ki khynnah kiwa wan chakhmat ha ki exam wei ha uni u snem da man ko ka sien wa 9 nadooh wa sdang ya ka.
Ya kani ka 9th Education Award da pynman ha ka Hall ka Elaka kawa em ha ka chnong Pdengshakap heiwa da pyllai ya ka yalang da u Acting Daloi yong katai ka Elaka u H. Pomblang hei emlang u MLA ka thaiñ u Stephanson Mukhim uwa man leh kam u kongsan ha katai ka sngi.
Da pynkup burom hadooh 31 ngut ki khynnah kiwa na ka Elaka Satpator kiwa da leh bha ha ka SSLC, HSSLC, CBSE wa ha ki Exam Degree.
U Stephanson hei klam yong oo kam u kongsan da yaroh u ya ka Elaka kawa pteiñ u pynman ya kani ka ka saam khusnaam ya ki khynnah puræ yong kani ka Elaka kawa pynchlur leh ya ki kamjooh wei da kyntu u leh ya kiwa da leh bha wow kreh chitom chooh chooh ki yow poi ki cha ka thong wa ki kyrdan wa heh.
Da snieñ u leh ya ki wa manda lai puræ ki cha sor toh u man ki kiwa emburom kiwa ngait snieñ ya ki bei ki pa yow lait ki u chah ieñ ha kiwa boon ki kaam wa sih.
Ha kani ka sngi da yoh leh ya i klam na u S. Pohkynu Secretary Elaka , u Kolmen Pohshna Adviser Elaka , u Froveling Pakynteng, u Karmel Buam , u Kennedy Shylla Finance Secretary ,u Sanborn Jungai Headmaster Syndai Secondary School wa kiwi kiwi katwa neiliang ki Waheh Chnong ki da e ki leh ya ki kyntien snieñ kyntu.
Discussion about this post