Pynkup burom ka Elaka Satpator ya ki khon ka Elaka

Jowai: Ka Elaka Satpator Dolloiship, West Jaiñtia Hills District kamwa jooh leh ko man u snem, ynnin ka sngi da pynkup burom ko ya ki khon ka Elaka kiwa poi chakhmat haki kyrdan puræ waphær waphær kam chibynta wow pynchlur ya ki khon khynroo haka puræ puthi, ha uni u snem da wan chimbynta ha ka pynkup burom ha Hall ka Elaka kawa em ha ka chnong Pdengshakap wa tip kam ka 10th Educational Award heiwa u Lamdibok Sumer Dy. CEM JHADC da man u kam u kongsan.

Ha kani ka sngi da pynkup burom ya 28 ngut wei da e leh ya ka Certificate wa ka song poisa wa T. 2500 samen cha ki khynnah.

U kongsan hei klam yong oo da ong u lyngba i chimkhia yong ki kam kiwa dang lai puræ ka Elaka leh ka chim ko ya kam kani ka bynta wow e yei pynchlur. Da ong u leh wa i poi cha khmat ki khynroo khyllood ha ka puræ puthi, wanrah naam ko ym du ya ki hi næ ka yung ka sem wot yaka Elaka hi waroh kawi.

Da kyntu u wow jied ya ki liang (Line) puræ wa katkam i bor yong ki ymtoh deiwa chah pynbor ha kiwi, neibhah i jied hi deiwa sñiawthooh i bor daw wanrah myntoi ko ya ki neibhah daw ye ki u yakhun wa kiwi ki bru kam ha kani ka juk “Competition”, wei wow ngaitsneiñ yeiwa klam ki bei ki pa.

Khlaad noh ka Kong Nitaboris Biam

November 9, 2024

Sñiawkhia u Andrew Shullai ya i tlot i rukom pynmih poisa ka JHADC

November 7, 2024

Ka Head Teacher yong ka skur Trangblang Govt. UP School hawa e ko yei klam neiliang ki manbei manpa da ong ko wa hawa chong wa thiah ki da pyrkhat bait wa kammon u pyndap pynbiang ya kiwa emkaam ki khon ki kti wei dap ki dei kyrmen wa ki khon yong ki u kheiñ kor ki ya i pynlut pynsep deiwa wanrah ya ka burom.

Da ong wa langær i pyrkhat i ya ka mynried ki khon wei kam ki bei ki pa ym jooh kwah i kawon kawon ka su kylliang emkaam du ka burom ka akor yong ki khon.

Kiwi de kiwa klam kynthup ya u D. Lakashiang u Dolloi ka Elaka Satpator Dolloiship, u Kennedy Shylla Financial Secretary Elaka Satpator, M. Maner Joint Secretary, A.B. Pamksang Waheh Chnong Trangblang wa kiwi, kiwa da kyntu ya ki khon khynroo khyllood wow man ki kiwa minot ha ka puræ puthi wei ymphær lada puræ ha ki skur nongkyndong næ ha sor du i kreh chitom iwa kongsan wow poi cha kliar u loom.