Pynkup burom ka Govt. Boys ya u Berister wa u Wamehi

Jowai : Kam chi bynta wow e mynsien ya kiwi ki khynnah ka skur wa wow pynyoo yei sñiaw kmen, ka Jowai Government Boys HS School, ynne da pynkup burom ko ya ki ar ngut ki khynnah skur yong ka kiwa da wanrah yei naam wei burom ya ka skur waroh kawi.

Kini ki ar ngut toh u Berister Swer wa da yoh ya i kyrdang Second Position ha ka HSSLC wa u Wamehi Suna wa da yoh yei kyrdan Twelth Position ha ka SSLC yong uni u snem.

Ya ini i pynkup burom da leh ha ka yalang ynne ka 10 tarik ha ka skur heiwa ya ka yalang da pyllai da ka Principal ka kong M. Pde kam ka chongknor.

Related posts

Lai kjat ki waheh wa ki khynnah na Dkhiah West chadooh cha u mot u Kiang Nangbah

March 23, 2024

Pynphooh ka Loompyrdi Iongpiah ya ka sngi ki kynthai deiwa pdiang burom ya ka Ridamaya

March 8, 2024

Da yoh i klam na u R. Jha wa na ka kong E.T.M. Sutnga kiwa da e yaroh ya kini ki ar ngut wei da kyntu ki leh ya kiwi yow bood ki ya kani ka jooh ka luti yow poi ki cha ka thong.

Da yoh leh i klam na ki khynnah skur kitæ u Confirm Susngi na class X wa na u Alexander Bhoi na class XII kiwa da e khublei ya kini ki ar ngut wei kyntu ki leh wow wanrah chooh ki yei naam wei burom ka skur, ka ri wa ka jaidbru.

Neiliang u Berister wa u Wamehi hei klam yong ki da e khublei ki ya kiwa sikai ya ki wada poi ki hadooh kani ka thong.

Da kyntu ki leh ya kiwi ki khynnah wow minot ki la heiwon heiwon wa leh ki man ka sngi.

Hachwa u kut da yoh yei klam makhane ba u ma P. Passah.