Ka Hyniewtrep Youth Council (HYC) War Jaiñtia Circle ha ka 16 tarik uni u bnai da pynman ko ya ka pynkup burom ya ki Doctor wei da tipmit kyrpang ya ki wakreh Asha yong ka chnat i chait i khiah ha ka yalang wa pynman ha Syiem Jingsuk Parish Hall, Amlarem.
Ha katai ka sngi da ya emlang u Henry Manar uwa man kam u kongsan, u Vice President CEC ka seiñ, u Donboklang Kharlyngdoh, u In-charge ka Jaiñtia Hills District u Rockerster Warjri deilang wa u General Secretary ka Jaiñtia hills District u Roaming Lamare.
U Yoodahunki Shylla, President ka HYC War Jaiñtia Circle da ong u wa neiliang ka HYC burom ko hadooh kattæ kattæ ya kiwa kreh hei chait i khiah, katwa u Donboklang Kharlyngdoh da ong u wa sñiawsih wa ki Asha hadooh katni ym yoh ki yei su wa tikna wei da yooluti u wa lyngba ini, ka sorkar u chimkhia ko ya ini i kaam.
U Dr. Arwin Khonglah hawa e yei klam yong oo da ong u wa ya ki Asha kamwa da yoo, da sñiaw sarom wow phah kaam ha ki, khamtam ha ki por Lockdown ym yohsa neibhah heipor ka Lockdown i da rieh lut waroh chapoh yung wa ya tieñ para bru. Kamtæ da ong u wa ki Asha da man ki kitæ ki chipai kiwa da yarap wei da ya emlang lada em ha kiwon ki kaam wa jhan haki chnong ki thaw kiwa mih khamtam heipor ka Lockdown yow lai pait ya kiwa chong Quarantine.
Ha kani ka sngi da pynkha leh yaka HYC Padu Unit wei da yoh leh wow pynthymme ya kiwa kitkaam ka Amlarem Unit.
