Jowai: Ka seiñ Jaiñtia Youth Federation (JYF) Central Body ynne ka sngi da pynkup burom ko ya uwa yahkhmat warim yong ka, u Brightstar Chyrmang ha yung krehkaam ka seiñ ha Mookyrdup, Jowai.
U Brightstar da jooh man u kam u Working President hapoh ka seiñ chwa wow yakhun u ha ka Election MDC 2019 na Jowai North Constituency.
Kamtæ ka seiñ kam ka dak wow burom ya oo da pynkup burom ko ya oo dei kyrmen wow kreh u neibynta i bha i miat ka jaitbru dei kyrkhu u Blai najrong.
Ha kani ka yalang pynkup burom da emlang u N. Rymbai (Working President), F. Rymbai (General Secretary), O.L. Tariang (Vice-President), S. Pajuh (Joint Secretary), Becareful Chyrmang (Organising Secretary), John Pala (Education Secretary) wa ki dkhot ka JYF, ka President ka KNGCSU wa kiwi kiwi.
Ya ka yalang ynne ka sngi da pynlai da u Vice-President, u O.L. Tariang uwa da e ya ki kyntien kitbok ya u Brightstar.
Neiliang u Brightstar hawa e yei klam da ong u wa da i em u ha ka seiñ man i i kyrkhu ya oo heiwa da chem u chiboon ki luti khamtam ha ka kaam wow synchaar ya ka jaitbru.
Da yooluti u leh wa ka seiñ hi u pteiñ ko u e chakri wa rap miat cha ka jaitbru ha ki liang waroh.
Discussion about this post