Ka KSU Barak Valley Circle ha ka 28 tarik uni u bnai da pynman ko yaka yalang wow pynkup burom, wow e khusnaam wei kamjooh yow pdiang burom ya ki khynroo khyllood ki khon u Ynñiawtrep wa sah ha Silchar, Assam.
Ha kani ka ka sngi da wan wow pynchngaaiñ da u President waheh dooh ka seiñ, u Lambokstarwell Marngar kam u kongsan deiwa emlang u Rueben Najiar deilang wa ki dkhot ka CEC neitæ ki dkhot ka KSU East Jaintia Hills District Unit, ki dkhot ka KSU Vairangte Unit wa kiwi kiwi.
Da pynphooh pynphieñ ya kani ka lympung da ki chaad tynre wei da emlang leh ki waheh kiwa da ya emlang kam u Sebastian Pakyntieñ uwa man u Chairman yong ka Khasi Jaintia Village Development Council, u Charles Rymbai, President ka Barak Valley Khasi Jaintia Welfare Organisation, u Wanbor Pdang, General Secretary ka Barak valley Khasi Jaintia Welfare Organisation wa kiwi kiwi.
Ka KSU Barak Valley Circle ha kani ka sngi da yoh ko leh wow pynkup burom hadooh 45 ngut ki khynnah khynroo kiwa da leh bha ya ki Exam kiwa sah ha kylleiñ ka thaaiñ Barak.
Da pynman leh ya ka yakob Mister Fresher wa Miss Fresher heiwa u Hamjngai Bareh da yoh u yei naam Mr. Fresher katwa ka Manisha Pohdweng da yoh ko yei naam Miss Fresher yong u snem 2023.
Discussion about this post