Ka Khasi Student Union (KSU) Jowai Unit, ynnin ka 30 tarik kam i dak lehkmen yei dap chi snem pura i chakri yong ka hapoh ka nongbah Jowai, da pynman da i pynkup burom ya ki khynroo khyllood wa lai puræ da ka Maitshaphrang Academy Award.
Ha kani ka sngi ka seiñ da yoh ko wow pynkup burom hadooh 52 ngut ki khynroo khyllood ka nongbah Jowai kiwa da leh bha ha ki Exam yong ka HSSLC wa SSLC yong uni u snem 2021.
Ya kani ka pynkup burom da pynlai ya ka da u Leonard Dhar, heiwa u Deputy Commissioner ka West Jaiñtia Hills District u Garod LSN Dykes da man u kam u kongsan katwa u MDC ka Jowai Central u Andrew Shullai da man u kam u symbood kongsan deiwa emlang ka Principal yong ka Kiang Nangbah Government College, ka Dr. Easter M Blah, u General Secretary ka Synjuk ki Waheh Chnong Jowai u R. Laloo, kiwa yahkhmat ka KSU CEC u Ostarnic Marbaniang uwa man kam u Organising Secretary, u Daniel Khyriem Ex-President KSU CEC, ki Waheh Chnong wa kiwi de kiwa da chah khut sñiawbha cha kani ka lehkmen dap chi snem wei pynkup burom ya ki khynroo khyllood kiwa da pyndep bha yei puræ.
Da pynphooh pynphieñ chooh chooh ya kani ka sngi da ki chaad tynre wa ki rwai maya ri da ki dkhot ka KSU Jowai Unit kawa da chimbynta da ki khynroo khyllood.
