Ka KSU Jowai Unit ha ka 24 tarik da pynkup burom ko ya ki ar ngut ki khynnah na Jowai kiwa poi ha ka Top-20 ka SSLC 2022 kiwa kynthup ya u Weibha Nongtdu Lakiang, North Liberty Higher Secondary School wa ka Felicia Dan na Jaiñtia Secondary School, Jowai.
Ha ini i pynkup burom da emlang kiwa ha yung ha sem yong kini ki khynnah wa ki dkhot ka seiñ kam u President, u Ewanmi Phawa, u Publicity Secretary u Nidapoi Shadap wa u General Secretary, u Leonard Dhar.
I leh ka seiñ toh wow pynchlur ya ki khynnah wow minot ki wei wow poi ki chaphrang cha ka thong yong ki.
Ha kani ka sngi da yoh i klam na u Ohibait Dkhar, u President warim ka KSU deiwa pynkynmoo ya ki Reservation Policy ha ka jylla heiwa da ong u wa ki Khasi-Jaiñtia emkaam ki ya ki bhah (Percentage) wa heh wow lai puræ Doctor lada nujor wa kiwi ki jaitbru.
