Ka Khasi Students Union Namdong Area Unit ynnin ka 6 tarik da pynkup burom ko ya ki 42 ngut ki khynnah wa da leh bha ha ka SSLC wa HSSLC Exam wow e mynsien wei wow pynchlur wow minot ki sam chaphrang.
Chwa i pynkup burom da em ka yalang wa pynlai da u President u Chanbor War wei da yoh ya ki kyntien pdiang burom na u General Secretary u Juhhi Tariang hei emlang kiwa yahkhmat ka JHDU nadooh u Vice President Central Executive Council u Biangbor Paliar, u Sonstar Nongkhlaw Assistant Finance CEC, u Laitphar Sengkrem Vice President Jaiñtia Hills District Unit, u Waheh Raij u Elias Susngi, u MDC ka thaaiñ u Dawan Lyngdoh, u waheh chnong ka Namdong-B u Damian S War, u waheh chnong Namdong-A u Arky Sumer, u waheh chnong Ladmyngor u Wili Pasi, u waheh chnong ka Nongmulieh u Mary Sumer wa kiwi kiwi.
Ya kani ka sngi da pynphooh da ki chaad tynre na ka Village Organization Mukhnang wa Village Organization ka Namdong-B wei da yoh ya ki kyntien khublei na u Armyius Sungoh.
