Pynkup burom ka KSU Namdong ya kiwa lai puræ, kiwa chakri chnong wa ya uwa yakhun kti

Ka KSU Namdong Area Unit ha ka 14 tarik uni u bnai da pynkup burom ko ya ki khynnah ka thaaiñ kiwa da lehbha ha ki puræ puthi waphær waphær da ka 3rd Maitshaphrang Academic Award  wei da e khusnaam leh cha uwi na ki khloor yakhun kti uwa tip kam u Alexander Lyngdoh uwa da wanrah yei naam i burom ya ka dong wa yaka thaaiñ hi waroh kawi.

Da e khusnaam leh ya ka Dorathi Lyndoh kawa man kawi na ki manbei kawa da chakri da ki phaw snem wow pynkha khon ya ki manbei kani ka thaaiñ.

Da pynkup burom leh kam i dak sñiawngooh ya kiwa yahkhmat warim ka Unit wa kynthup ya u Shaniahskem Dkhar, u Chanbor War wa ya u Timing Lyngdoh.

Ha kani ka yalang wa da pynman ha Mission Hall Namdong Parish da emlang leh u President ka KSU u Lambokstar Marngar, u waheh chnong ka Namdong-B, u D.S. War, u Waheh Chnong ka Ksehrynshang, u Malbi Timung, u Waheh Chnong ka Khanduli, u Yooshida Nongspung wa kiwa boon ki dkhot ka seiñ na ki Unit wa ki Circle waphær waphær.

Related posts

Khlaad noh ka Kong Nitaboris Biam

November 9, 2024

Sñiawkhia u Andrew Shullai ya i tlot i rukom pynmih poisa ka JHADC

November 7, 2024

Neiliang u Waheh Chnong ka Namdong da pynsñiaw u yei sñiawngooh ya ki dkhot ka seiñ kiwa da emlang waki nadooh sdang mih i kynaad wa ki Karbi heiwa da wan ki leh wow sah miet yow pynchngaaiñ ya kiwa chong chnong.

Da pynphooh pynphieñ ya kani ka sngi da ki chaad tyrne na ki khynroo ka Namdong-B wa i rwai na u Waheh Chnong ka Nongmulieh, u Mery O Rymbai.