Ka Khasi Students Union Nangbah Unit ha ka 2 tarik da yoh ko wow pynkup burom ya kamwa 35 ngut ki khynnah skur wa kynthup nadooh kiwa da pyndep ya ka SSLC, HSSLC hadooh kiwa da pyndep ya ka Degree wa Master Degree.
Ha kani ka sngi da ya emlang kiwa boon ki dkhot ka seiñ na East wa West Jaiñtia Hills deilang ki bru waheh ka chnong Nangbah kam u Hunlang Lamare, Secretary Dong Iawmusiang Nangbah, u Tonroi Iongwai, Waheh Chnong Nangbah, u Shiningstar Kharbihkhiew (Environment Secretary KSU CEC) kam u symbood kongsan wa u Budsuk Sungoh (State of Soil Survey Officer) kam u kongsan.
Neiliang u kongsan hawa e yei klam da ong u wa i lai luti yong oo kam u khon yong ka chnong toh deiwa sdang kam u khynnah skur nadooh wa dang khian hadooh wa yoh u wow man kam u sahep.
Kamtæ da kyntu u ya ki khynnah skur wow kreh chitom ki khnang yow yoh ki wow man heh wei da pyntip u leh cha ka chnong wa em u yei thrang yow wanrah yei kylla, i ya sñiawthooh lang wei yow wanrah yei yatylli ha waroh ki liang kam ka chnong ka thaw.
U Morningstar Pasi kam u President ka KSU Nangbah Unit da ong u wa nadooh wa seiñ ya ka seiñ hapoh ka chong Nangbah, ka thong wa hakhmat dooh toh yow wanrah yei kylla nadooh ki dong ki chnat wei khamtam ha waroh kawi ka chong ka thaw. Kamtæ da ong u wa dang em boon ki kaam wa dang sahteiñ kiwa dang hap wow pyndep yow ye u pynpoi cha ki thong.
Ha kani ka sngi da yoh leh yei chaad tynre na ki khon khynroo khyllood ka dong Nangtidiang.
Discussion about this post